U ciahniku pad Varšavaj dvoje pjanych usčali bojku, vykrykvajučy łozunhi suprać ukraincaŭ i biełarusaŭ
Na stancyi Zialonka pad Varšavaj adbyŭsia incydent z udziełam dvuch pjanych mužčyn, jakija jechali ŭ ciahniku. Pa słovach śviedkaŭ, jany pačali ahresiŭna siabie pavodzić, abražali adnaho z pasažyraŭ i vykrykvali ksienafobnyja łozunhi, skiravanyja suprać ukraincaŭ i biełarusaŭ, piša vydańnie Rzeczpospolita.
Skrynšot ź videa
Kali pravadnik pasprabavaŭ umiašacca i spynić kanflikt, pamiž im i napadnikami pačałasia bojka. Adzin z mužčyn udaryŭ rabotnika čyhunki.
Na dapamohu paciarpiełamu pryjšli inšyja pasažyry. Jany zdoleli abiasškodzić ahresaraŭ i vyvieli ich z vahona.
Na miesca vyklikali palicyju, jakaja zatrymała abodvuch mužčyn. Pravaachoŭniki pravodziać dalejšyja dziejańni, razhladajučy mahčymaść kvalifikacyi zdareńnia jak złačynstva na hlebie nacyjanalnaj nianaviści.
Hety vypadak adbyŭsia na fonie rostu kolkaści paviedamleńniaŭ pra vierbalnyja i fizičnyja napady ŭ Polščy ŭ apošnija tydni, skiravanyja pieradusim suprać hramadzian Ukrainy.
Pavodle danych Hałoŭnaj kamiendatury palicyi Polščy, za pieršaje paŭhodździe 2026 hoda hramadzianie Ukrainy padali 180 zajaŭ ab złačynstvach na hlebie nianaviści suprać ich. Heta bolš čym na 30% pieravyšaje pakazčyk za anałahičny pieryjad minułaha hoda.
Čytajcie taksama:
«Adčuła plavok — i ŭsie śmiajucca». U polskim Bydhaščy siamja napała na muža i žonku ź Biełarusi
U Biełastoku klijent pahražaŭ biełaruskamu taksistu z-za akcentu. Spravaj zojmiecca prakuratura