Na adnym ź plažaŭ Kamsamolskaha voziera ŭ Minsku znajšli kišečnuju pałačku
Na plažy № 6 vadaschovišča «Kamsamolskaje voziera» ŭ Minsku časova zabaroniena kupańnie dziaciej paśla taho, jak u vadzie znajšli pieravyšeńnie dapuščalnych mikrabijałahičnych pakazčykaŭ, u tym liku kišečnuju pałačku, paviedamili ŭ Zielanbudzie Centralnaha rajona stalicy.
Zdymak ilustracyjny. Fota: «Naša Niva»
Padstavaj dla ŭviadzieńnia abmiežavańniaŭ stali vyniki łabaratornych daśledavańniaŭ, praviedzienych 23 lipienia.
Zabarona tyčycca tolki dziciačaha kupańnia ŭ miežach plaža № 6. Kali sanitarnyja pakazčyki vady palepšacca i buduć adpaviadać ustanoŭlenym normam, abmiežavańnie mohuć admianić.
Raniej padobnyja miery ŭžo prymalisia na asobnych plažach Homielskaj, Hrodzienskaj i Mahiloŭskaj abłaściej, adnak minskija vadajomy tady ŭ hety pieralik nie ŭvachodzili.
U Respublikanskim centry hihijeny, epidemijałohii i hramadskaha zdaroŭja nahadali, što na praciahu ŭsiaho kupalnaha siezona jakaść vady na aficyjnych plažach krainy kantralujecca štotydzień.
Čytajcie taksama:
Try samyja čystyja plažy Minska
Ź Minska na plaž — usiaho za 7 chvilin. Jak minčuki latali na Minskaje mora samalotami