«Zamarozka niemahčymaja, pakul Rasija nie dasiahnuła svaich metaŭ». U Kramli adkazali na prapanovu Takajeva
25 lipienia padčas sustrečy z prezidentam Rasii Uładzimiram Pucinym u Omsku prezident Kazachstana Kasym-Žamart Takajeŭ publična prapanavaŭ Pucinu zamarozić vajnu z Ukrainaj i zajaviŭ, što «pryroda hetaha kanfliktu nie zusim zrazumiełaja». Na hetuju prapanovu kazachstanskaha lidara adkazaŭ pres-sakratar Kramla Dźmitryj Piaskoŭ.
Dźmitryj Piaskoŭ i Uładzimir Pucin. Fota: Contributor / Getty Images
«Prapanavanaja Takajevym «zamarozka» kanfliktu va Ukrainie niemahčymaja z ulikam pazicyi Kijeva. Hałoŭnaja ŭmova dla Rasii — dasiahnuć svaich metaŭ. Usio moža spynicca siońnia da kanca sutak, kali kijeŭski režym prymie adpaviednyja rašeńni», — skazaŭ Dźmitryj Piaskoŭ.
Pa jahonych słovach, Takajeŭ i raniej nieadnarazova vykazvaŭsia pa ŭkrainskaj prablematycy, i jahonaja pazicyja paśladoŭnaja. Ale ŭ Rasii ź joj nie zhodnyja i ličać, što prezident Kazachstana prosta niedastatkova infarmavany.
«Značyć, my niedastatkova raskazvali pra pieršapryčyny. My praciahniem heta rabić z padvojenaj enierhijaj. Našy partniory pavinny viedać našu pazicyju», — zajaviŭ pres-sakratar Pucina.
Čytajcie taksama:
Takajeŭ padčas sustrečy z Pucinym zaklikaŭ jaho zamarozić vajnu va Ukrainie
Tramp: Pucin razumieje, što ZŠA pradajuć zbroju krainam NATA, a nie niepasredna Ukrainie
Piaskoŭ nazvaŭ śpiekulacyjaj artykuł Bloomberg pra ŭmovy pieramovaŭ