Zaŭtra ŭ Minsku abmiažujuć ruch na dvuch praśpiektach

U niadzielu, 26 lipienia, u biełaruskaj stalicy adbuducca asnoŭnyja spabornictvy Mižnarodnaha minskaha tryjatłona. U mierapryjemstvie voźmuć udzieł bolš za try tysiačy spartsmienaŭ z 13 krain. U suviazi z hetym mierapryjemstvam Dziaržaŭtainśpiekcyja ŭviadzie časovyja abmiežavańni ruchu transpartu na praśpiektach Pieramožcaŭ i Mašerava.

Ruch budzie pierakryty:

• z 06:45 da 12:45 — pa cotnym baku praśpiekta Pieramožcaŭ u napramku MKAD na ŭčastku ad vulicy Ratamskaj da praśpiekta Mašerava;
• z 06:45 da 14:45 — pa cotnym baku praśpiekta Pieramožcaŭ ad vulicy Parkavaj da vulicy Ratamskaj;
• z 08:10 da 12:45 — pa praśpiekcie Mašerava na ŭčastku ad praśpiekta Pieramožcaŭ da vulicy Daŭmana.

Akramia taho, u rajonie praviadzieńnia tryjatłona časova zabaroniać prypynak i stajanku transpartnych srodkaŭ.

Kiroŭcam rekamiendujuć zahadzia płanavać maršruty i, pa mahčymaści, abjazdžać učastki, dzie buduć dziejničać abmiežavańni.

Kamientary da artykuła