Čarnahoryja płanuje ŭvieści vizy dla hramadzian Biełarusi z 1 listapada
Urad Čarnahoryi apublikavaŭ prajekt źmianieńniaŭ u pastanovu ab vizavym režymie, jaki praduhledžvaje skasavańnie biaźvizavaha ŭjezdu dla hramadzian Biełarusi i Rasii z 1 listapada 2026 hoda, piša Ruskaja słužba «Radyjo Svaboda».
Fota: pixabay.com
Zhodna z prajektam, da 31 kastryčnika biełarusy i rasijanie pa-raniejšamu zmohuć ujazdžać u Čarnahoryju, prajazdžać praź jaje tranzitam i znachodzicca ŭ krainie da 30 dzion pry najaŭnaści dziejnaha prajaznoha dakumienta. Ale kali źmianieńni buduć zaćvierdžanyja, ź listapada dla pajezdak užo spatrebicca viza.
Pakul dakumient maje status prajekta i aficyjna jašče nie pryniaty.
Čarnahoryja atrymała status krainy-kandydata na ŭstupleńnie ŭ Jeŭrasajuz u 2010 hodzie i ličycca adnoj z najbolš vierahodnych nastupnych dziaržaŭ, jakija mohuć dałučycca da ES. U krasaviku 2026 hoda pasły krain Jeŭrasajuza ŭchvalili pačatak padrychtoŭki da zaklučeńnia damovy ab ustupleńni Čarnahoryi ŭ ES.
Čytajcie taksama:
Čarnahoryja moža ŭvieści vizy dla biełarusaŭ užo vosieńniu