Чарнагорыя плануе ўвесці візы для грамадзян Беларусі з 1 лістапада
Урад Чарнагорыі апублікаваў праект змяненняў у пастанову аб візавым рэжыме, які прадугледжвае скасаванне бязвізавага ўезду для грамадзян Беларусі і Расіі з 1 лістапада 2026 года, піша Руская служба «Радыё Свабода».
Фота: pixabay.com
Згодна з праектам, да 31 кастрычніка беларусы і расіяне па-ранейшаму змогуць уязджаць у Чарнагорыю, праязджаць праз яе транзітам і знаходзіцца ў краіне да 30 дзён пры наяўнасці дзейнага праязнога дакумента. Але калі змяненні будуць зацверджаныя, з лістапада для паездак ужо спатрэбіцца віза.
Пакуль дакумент мае статус праекта і афіцыйна яшчэ не прыняты.
Чарнагорыя атрымала статус краіны-кандыдата на ўступленне ў Еўрасаюз у 2010 годзе і лічыцца адной з найбольш верагодных наступных дзяржаў, якія могуць далучыцца да ЕС. У красавіку 2026 года паслы краін Еўрасаюза ўхвалілі пачатак падрыхтоўкі да заключэння дамовы аб уступленні Чарнагорыі ў ЕС.
Чытайце таксама:
Чарнагорыя можа ўвесці візы для беларусаў ужо восенню
Чарнагорыя можа далучыцца да Еўрасаюза ўжо ў 2028 годзе
Беларус расказаў, чаму вучыўся ў Чарнагорыі: У Варшаве здалася неспакойнай сітуацыя з шавінізмам