Armianski kańjak nie prajšoŭ u Biełarusi pravierku na kańjak
Dziaržaŭny kamitet standartyzacyi Biełarusi ŭnios u rejestr niebiaśpiečnaj pradukcyi napoj «Armianski kańjak» šaścihadovaj vytrymki.
Zdymak ilustracyjny. Fota: magnific.com
Z 25 lipienia pačnie dziejničać zabarona na ŭvoz i prodaž hetaha napoju ŭ krainie, a pradukcyju, jakaja ŭžo znachodzicca ŭ handlovych sietkach, pavinny vyklučyć z abaračeńnia.
Padčas pravierki było ŭstanoŭlena, što napoj nie adpaviadaje patrabavańniam pa źmieście dubilnych rečyvaŭ. Pavodle narmatyvaŭ, ich masavaja kancentracyja pavinna składać nie mienš za 0,3 hrama na kubičny decymietr. Adnak daśledavańnie pakazała, što hety pakazčyk nie adpaviadaje ŭstanoŭlenym patrabavańniam.
U Dziaržstandarcie adznačyli, što z-za hetaha pradukcyi byŭ tolki nadadzieny źniešni vyhlad i asobnyja ŭłaścivaści kańjaku, ale identyfikavać jaje jak kańjak, paznačany na ŭpakoŭcy, nielha.
Dubilnyja rečyvy — heta naturalnyja złučeńni, jakija traplajuć u kańjak padčas vytrymki ŭ dubovych bočkach. Mienavita jany farmujuć charakternyja koler, vodar, smak i lohkuju daŭkaść napoju. Ich niedastatkovaja kolkaść moža śviedčyć pra toje, što pradukt nie adpaviadaje technałohii vytvorčaści sapraŭdnaha kańjaku abo zajaŭlenaj vytrymcy.
Vytvorcam pradukcyi paznačana armianskaje tavarystva z abmiežavanaj adkaznaściu «Vinna-kańjačny dom «Šachnazaran», jakoje znachodzicca ŭ horadzie Jehvard.
Čytajcie taksama:
Pašynian publična nazvaŭ adnaho sa svaich apanientaŭ «prabiełaruskim aliharcham»
U Rasii zabaranili armianski kańjak