Ajcišnika ź vialikim dośviedam asudzili za «finansavańnie ekstremizmu» i zbroju

Mikałaj Bury pracuje ŭ IT-śfiery bolš za dziesiać hadoŭ, pačynaŭ z EPAM. Sioleta jaho asudzili pa palityčnaj spravie.

Mikałaj Bury. Fota ź jahonaj staronki ŭ sacsietkach

Mikałaju Buramu 41 hod. Jon ź Bierazina. Advučyŭsia ŭ Biełaruskim nacyjanalnym techničnym univiersitecie, a z 2012 hoda da 2015 hoda atrymlivaŭ adukacyju ŭ Minskaj duchoŭnaj sieminaryi. U mužčyny jość paŭnaletniaja dačka.

U IT-śfiery Mikałaj pracavaŭ z 2012 hoda. Jon pačynaŭ svoj šlach u EPAM, paśla pracavaŭ u takich kampanijach, jak iTechArt, ScienceSoft, Softeq i Specific-Group, darosšy da pazicyj Tech Lead i Chief Technology Officer.

Bury kazaŭ u intervju, što lubić toje, čym zajmajecca: «Heta samaje niepryjemnaje — rabić pracu, jakaja ciabie pryhniataje. Hrošy nie suciešać… Bolšaść ludziej ličyć, što pracavać u IT vyhadna, ale dla siabie hetuju śfieru nie vybirajuć, bo praca davoli składanaja i nahadvaje marafon, dzie pastajanna treba być u formie». Svaje navyki jak śpiecyjalista jon pastajanna palapšaŭ i vielmi hanaryŭsia tym, što vyhadavaŭ šmat talenavitych inžynieraŭ z nula.

Mikałaj zachaplajecca matacykłami — jeździć na roznych madelach Harley-Davidson, abmiarkoŭvaje bajkierskija źloty i ciuninh. Taksama lubić kałarytnyja aŭto i ŭ volny čas zajmajecca partretnaj fatahrafijaj.

Buraha zatrymali ŭ vieraśni 2025 hoda i źmiaścili ŭ SIZA. Praz bolš čym paŭhoda jaho asudzili ŭ Minskim haradskim sudzie pavodle dvuch artykułaŭ: č. 1 art. 361‑2 (finansavańnie ekstremisckaj dziejnaści) i č. 2 art. 295 (niezakonnyja dziejańni sa zbrojaj ci vybuchoŭkaj).

Dakładny prysud nieviadomy, ale heta chatniaja chimija.

Kamientary da artykuła