Kampanija Honor praviała rebrendynh

Kampanija Honor abviaściła pra maštabnaje abnaŭleńnie brenda, pradstaviŭšy novy vizualny styl i źmianiŭšy svajo pazicyjanavańnie. Zamiest raniejšaha słohana Go beyond («Idzi dalej») ciapier budzie vykarystoŭvacca Dare to be («Maj śmiełaść być»).

Taksama byŭ abnoŭleny łahatyp: da jaho dadali hrafičny simvał u vyhladzie płaniety ź sistemaj kolcaŭ, a firmovy błakitny koler staŭ bolš nasyčanym i ciapier adpaviadaje adcieńniu Pantone 2193C.

Adnačasova kampanija źmianiaje svajo pazicyjanavańnie: kali raniej jana ŭsprymałasia pierš za ŭsio jak vytvorca smartfonaŭ, to ciapier imkniecca stać hłabalnym lidaram u śfiery ekasistem na bazie štučnaha intelektu. Abnoŭleny firmovy styl pavinien padkreślić novuju identyčnaść brenda.

U kampanii adznačyli, što novaja kancepcyja robić hałoŭnym pryjarytetam intaresy karystalnikaŭ. Honor zajaŭlaje, što imkniecca stvarać technałohii, aryjentavanyja na čałavieka, jakija dapamohuć kožnamu raskryć svoj patencyjał.

Kamientary da artykuła