Uradženiec Biełarusi ŭvajšoŭ u top-250 najbahaciejšych amierykanskich imihrantaŭ
Eks-minčuk Ihar Tulčynski pradstaviŭ Biełaruś u rejtynhu Forbes najbahaciejšych hramadzian ZŠA, jakija naradzilisia za miažoj. Jon zaniaŭ u im 138‑je miesca ŭ jakaści zasnavalnika i ŭładalnika inviestycyjnaj kampanii WorldQuant, piša vydańnie «Biełorusy i rynok».
Ihar Tulčynski. Fota: businessinsider.com
Ihar Tulčynski naradziŭsia ŭ Minsku ŭ siamji muzykantaŭ u 1966 hodzie. Kali jamu było 11 hadoŭ, baćki pierajechali ŭ ZŠA. Jaho kapitał aceńvajecca na hety momant u 1,7 miljarda dalaraŭ.
Śpis krain i terytoryj, jakija pradstaŭlajuć miljardery-imihranty, pašyryŭsia da 45 — u 2025 hodzie hety pakazčyk składaŭ 42. U rejtynhu źjavilisia Haici, Filipiny, Polšča i Ispanija. U toj ža čas Hvatemała straciła svajho adzinaha pradstaŭnika: suzasnavalnik Duolingo Łuis fon An vybyŭ z kłuba miljarderaŭ na fonie padzieńnia kursu akcyj.
Druhi hod zapar pa kolkaści miljarderaŭ-imihrantaŭ lidziruje Indyja: ich kolkaść dasiahnuła rekordnych 19 čałaviek, što na siem bolš, čym u minułym hodzie.
Čytajcie taksama:
U top miljarderaŭ ad Forbes uvajšoŭ hramadzianin Biełarusi