Abjavili zbor na raźvitańnie sa Śviatłanaj Kurs. Jaje chočuć pachavać u Biełarusi
Na płatformie «Bajsoł» adkryli zbor na prośbu rodnych pamierłaj 19 lipienia piśmieńnicy Śviatłany Kurs. Siamja choča hodna raźvitacca z čałaviekam, jaki ŭsio svajo žyćcio pryśviaciŭ biełaruskaj movie, litaratury i žurnalistycy.
Śviatłana Kurs
Płanujecca pravieści publičnuju cyrymoniju raźvitańnia ŭ Varšavie. Dakładnyja miesca i čas buduć paviedamlenyja siamjoj asobna. Paśla hetaha cieła Śviatłany, aformiŭšy ŭsie nieabchodnyja dakumienty, płanujuć pieravieźci ŭ Biełaruś i pachavać jaje na radzimie.
Kab zrabić heta mahčymym, siamja ŭžo była vymušana ŭziać kredyt. Mienavita na pahašeńnie hetaha kredytu i adkryvajecca zbor.
Śviatłana była adnoj z samych jarkich postaciaŭ sučasnaj biełaruskaj litaratury. Jana šmat hadoŭ pracavała ŭ niezaležnaj biełaruskaj žurnalistycy, a jaje knihi «Šlach drobnaj svołačy» i asabliva «Pa što idzieš, voŭča?», adznačanaja Premijaj Ježy Hiedrojca, stali važnaj častkaj sučasnaj biełaruskaj kultury.
Kali vy čytali knihi Śviatłany, kali jaje słovy kaliści padtrymali vas, prymusili zadumacca abo dapamahli lepš zrazumieć Biełaruś, — siońnia vy možacie padtrymać rodnych Śviatłany.
Suma zbora — €6000
€2000 — arhanizacyja publičnaj cyrymonii raźvitańnia sa Śviatłanaj ŭ Varšavie.
€2200 — repatryjacyja cieła z Polščy ŭ Biełaruś.
€800 — afarmleńnie nieabchodnych dakumientaŭ i konsulskich dazvołaŭ.
€1000 — arhanizacyja pachavańnia ŭ Biełarusi.
Padtrymać zbor možna pa spasyłcy.
Čytajcie taksama:
«Vialikaja strata dla ŭsioj Biełarusi». Cichanoŭskaja adhuknułasia na śmierć Śviatłany Kurs