U Viciebsku pačaŭsia «Słavianski bazar»
U Viciebsku aficyjna pačaŭsia XXXV Mižnarodny fiestyval mastactvaŭ «Słavianski bazar». Źviazanyja ź im mierapryjemstvy prachodziać u horadzie ŭžo niekalki dzion, a ŭračystaja cyrymonija adkryćcia adbyłasia ŭviečary 16 lipienia ŭ Letnim amfiteatry.
Rasijski śpiavak Aleh Hazmanaŭ, viadomy svajoj biezumoŭnaj padtrymkaj vajny va Ukrainie i ŭvohule rasijskaha impieryjalizmu
Pierad pačatkam pieršaha kancerta da ŭdzielnikaŭ i hledačoŭ źviarnuŭsia Alaksandr Łukašenka. U svaim vystupleńni jon adznačyŭ, što «Słavianski bazar» zaŭsiody byŭ nie tolki kulturnaj padziejaj, ale i, maŭlaŭ, svojeasablivym adlustravańniem historyi Biełarusi i śvietu.
Padčas cyrymonii adkryćcia Łukašenka taksama ŭručyŭ pieršyja ŭznaharody fiestyvalu. Hran-pry dziciačaha muzyčnaha konkursu «Viciebsk» atrymała biełaruskaja śpiavačka Lizavieta Cupryk. Śpiecyjalnaj uznaharodaj «Praz mastactva — da miru i ŭzajemarazumieńnia» byli adznačanyja biełaruski kampazitar Leanid Zachleŭny i rasijski Alaksandr Zacepin. Apošniamu, darečy, sioleta ŭ sakaviku spoŭniłasia 100 hadoŭ.
Padčas fiestyvalu ŭ Viciebsku adbuducca kancerty, teatralnyja pastanoŭki, vystavy i inšyja kulturnyja padziei, jakija buduć prachodzić na dziasiatkach placovak pa ŭsim horadzie.
Čytajcie taksama:
U Viciebsku źjavilisia śviatłafory z vasilkami FOTAFAKT
«Nad horadam» Šahała pryvieźli ŭ jaho rodny Viciebsk