U Hiermanii zatrymali biełaruskaha dalnabojščyka, jaki jechaŭ z 3,24 pramile
Kala niamieckaha horada Bokenem, ziamla Nižniaja Saksonija, spynili hruzavik z pjanym 40‑hadovym biełarusam za rulom. Pra heta paviedamlaje miascovaja palicyja, piša sajt «Biełaruś i mir».
Zdymak ilustracyjny. Fota: polizei.sachsen.de
U subotu, 11 lipienia, prykładna ŭ 21:50 adzin z udzielnikaŭ darožnaha ruchu paviedamiŭ pra furu, jakaja ruchałasia z parušeńniem pravił pa trasie A7 u napramku horada Kasiel.
Patrulnaja mašyna nieŭzabavie vyjaviła nazvany transpartny srodak i nakiravała aŭtaciahnik kala 22:10 na placoŭku adpačynku kiroŭcaŭ Ambierhau dla pravierki.
Padčas jaje supracoŭniki zaŭvažyli vidavočnyja prykmiety apjanieńnia ŭ kiroŭcy. Test paćvierdziŭ padazreńni: zamier pakazaŭ papiaredniaje ŭtrymańnie ŭ arhaniźmie 3,24 pramile ałkaholu.
U kiroŭcy byli kanfiskavanyja pravy, jaho dastavili ŭ adździaleńnie i ŭziali dla daśledavańnia ŭzor kryvi. Pačata raźbiralnictva pa fakcie kiravańnia transpartnym srodkam u stanie ałkaholnaha apjanieńnia.
Čytajcie taksama:
U Rasii biełarus na fury tak urezaŭsia ŭ aŭtazak, što aryštant unutry straciŭ prytomnaść