Na darohach Minska zaŭvažyli supierkar «z Hot Wheels». Takich mašyn u śviecie mienš za tysiaču

Na prajeznaj častcy vulicy Karła Marksa ŭ stalicy zaŭvažyli jarka-fijaletavy kabryjalet z rasijskimi numarami. Videa vykłaŭ akaŭnt «Minsk naiznanku» ŭ Threads, zaŭvažyła vydańnie Blizko.by.

Karystalniki žartam nazvali aŭtamabil «vialikaj mašynkaj ź sieryi Hot Wheels», adnak heta akazaŭsia sapraŭdny rarytet.

Pa darohach stalicy raśsiakaŭ fijaletavy supierkar McLaren 765LT Spider ź sieryi Longstyle z aranžavymi akcentami. Mašyn hetaj sieryi ŭ śviecie ŭsiaho 765 štuk, i kaštujuć jany ad 500 da 600 tysiač dalaraŭ.

Posmotrieť v Threads

Heta nie adziny raz, kali ŭ stalicy zaŭvažajuć redkija aŭtamabili. U červieni biełarusy zaŭvažyli ŭ Minsku adno z najstarejšych polskich aŭto — pikap Tarpan, jakomu mahło być 35—45 hadoŭ. Praŭda, jon nie jechaŭ pa darozie, a stajaŭ u handlovym centry Dana Mall.

Kamientary da artykuła