U Minsku raźvitvajucca ź Mikałajem Čarhincom ŠMAT FOTA
U Minsku ŭ Centralnym Domie aficeraŭ prachodzić cyrymonija raźvitańnia ź litarataram i byłym staršynioj Sajuza piśmieńnikaŭ Biełarusi Mikałajem Čarhincom. Jon pamior 7 lipienia na 89‑m hodzie žyćcia.
Na cyrymoniju pryjšli pradstaŭniki dziaržaŭnych struktur, u tym liku kiraŭnik Administracyi prezidenta Dźmitryj Kruty, vice-premjerka Natalla Piatkievič, kiraŭniki pałat parłamienta, inšyja čynoŭniki, a taksama kalehi i blizkija.
Vianok na raźvitańnie dasłaŭ Alaksandr Łukašenka.
Mikałaj Čarhiniec byŭ viadomy pieradusim jak aŭtar milicejskich detektyvaŭ, a taksama jak šmathadovy kiraŭnik aficyjnaha Sajuza piśmieńnikaŭ Biełarusi, jaki byŭ stvorany ŭ 2005 hodzie paśla raskołu ŭ litaraturnym asiarodździ i łabiravaŭ intaresy ŭładaŭ. Mieŭ vučonuju stupień kandydata jurydyčnych navuk i zvańnie hienierał-lejtenanta ŭnutranaj słužby.