Hubiernatar Vałahodskaj vobłaści spyniŭsia na trasie bieź bienzinu. Za hadzinu da taho jon zaklikaŭ ludziej nie zapasacca palivam
Hubiernatar Vałahodskaj vobłaści Hieorhij Filimonaŭ paviedamiŭ, što padčas pajezdki zastaŭsia na trasie bieź bienzinu. Pavodle jaho słoŭ, aŭtamabil spyniŭsia na chutkasnym abchodzie Vołahdy praz pusty bak, paviedamlaje «Mieduza».
Fota ilustracyjnaje
Paśla hetaha kiraŭnik rehijona pierasieŭ u mašynu, jakaja pahadziłasia jaho padvieźci. Paźniej jon udakładniŭ, što heta byŭ ekipaž DAI.
Pry hetym prykładna za hadzinu da zdareńnia Filimonaŭ zaklikaŭ žycharoŭ vobłaści nie zakuplać paliva praz zapas.
Jon paviedamiŭ, što dla fizičnych asob u vobłaści časova dziejničajuć častkovyja abmiežavańni na prodaž bienzinu, pakolki abjomy pastavak zastalisia raniejšymi, a popyt amal padvoiŭsia.
«Prašu pastavicca da situacyi z razumieńniem, nie stvarać zapasaŭ paliva i nie paddavacca ažyjatažu. Treba dać mahčymaść zapravicca svaim susiedziam i ziemlakam», — adznačyŭ hubiernatar.
Čytajcie taksama:
Daŭžeznyja čerhi na AZS vyciahnulisia ŭ Omskaj vobłaści paśla siońniašniaha ŭdaru pa NPZ VIDEA
Ukraina naniesła ŭdar pa najbolšym u Rasii Omskim NPZ, za 2500 km ad frontu