U biełaruskim pavietry ciapier poŭna alerhičnych pyłkoŭ
U Biełarusi ciapier nazirajecca ščylnaje «vobłaka» z pyłku, pra što śviedčać danyja manitorynhavych servisaŭ, piša vydańnie Times.by. I heta kiepskaja navina dla alerhikaŭ.
Zdymak ilustracyjny. Fota: magnific.com
Asnoŭnymi krynicami alerhienaŭ ciapier źjaŭlajucca zbožžavyja kultury i lipa. Užo 3 lipienia mnohija ludzi z alerhijaj adčuli paharšeńnie samaadčuvańnia, i situacyja pakul zastajecca niaprostaj.
Fota: «Jandieks. Pohoda»
Pavodle prahnozaŭ, u subotu ŭzrovień aktyŭnaści pyłku zachavajecca vysokim, paśla čaho pačnie pastupova źmianšacca. Adnak da siaredziny nastupnaha tydnia alerhiki pa ŭsioj Biełarusi mohuć praciahvać adčuvać dyskamfort, asabliva va ŭschodnich rehijonach.
Fota: «Jandieks. Pohoda»
Lipa zvyčajna ćvicie z kanca červienia da siaredziny lipienia, a zbožžavyja — z maja da pačatku lipienia, choć terminy mohuć zrušvacca ŭ zaležnaści ad nadvorja.