U Ružanskim pałacy ŭładkujuć hatel
U Ružanskim pałacavym kompleksie rodu Sapiehaŭ płanujuć adkryć nievialiki hatel. Pra heta paviedamiŭ staršynia Bresckaha abłvykankama Piatro Parchomčyk, piša BiełTA.
Ružanski pałacavy kompleks. Fota: BiełTA
Hatel raźmieściać va Uschodnim korpusie pałaca, jaki ciapier znachodzicca na restaŭracyi. Pavodle raspracavanaj kancepcyi, tam budzie nievialikaja kolkaść numaroŭ, a taksama šmatfunkcyjanalnaja zała dla praviadzieńnia kulturnych mierapryjemstvaŭ. Pry stvareńni hatela płanujuć vykarystać vopyt uładkavańnia haścinicy ŭ Kosaŭskim pałacy.
Pavodle słoŭ Piatra Parchomčyka, raboty płanujecca zaviaršyć ciaham dvuch hadoŭ. Akramia taho, ciapier ułady Bresckaj vobłaści razhladajuć mahčymaść adnaŭleńnia i Zachodniaha korpusa Ružanskaha pałaca.
Prajekt uvachodzić u prahramu raźvićcia turyzmu ŭ rehijonie. Pavodle danych abłvykankama, za pieršyja čatyry miesiacy hetaha hoda ekspart turystyčnych pasłuh u Bresckaj vobłaści pavialičyŭsia amal na 40 %.
Ułady adznačajuć, što najbolš papularnymi turystyčnymi abjektami ŭ Bresckaj vobłaści zastajucca miemaryjalny kompleks «Bresckaja krepaść-hieroj», muziej Napaleona Ordy ŭ Varacevičach Ivanaŭskaha rajona, a taksama sanatoryi paŭdniova-zachodniaj častki rehijona.
Čytajcie taksama:
U Ružanach nie dali zaharecca miascovamu kaściołu
U Ružanach archieołahi znajšli frahmienty padmurka budynka časoŭ Lva Sapiehi