MARH adsočvaje kampanii, jakija paznačajuć ceny nie ŭ biełaruskich rublach
Ministerstva antymanapolnaha rehulavańnia i handlu praciahvaje praviarać internet-resursy, na jakich raźmiaščajecca rekłama turystyčnych pasłuh, nieruchomaści, aŭtamabilaŭ i inšych tavaraŭ z paznačeńniem cenaŭ u zamiežnaj valucie, paviedamiła pres-słužba viedamstva.
Zdymak ilustracyjny. Fota: «Naša Niva»
Padčas čarhovaha manitorynhu viedamstva vyjaviła, što niekatoryja turystyčnyja kampanii pa-raniejšamu paznačajuć košt svaich pasłuh nie ŭ biełaruskich rublach. U suviazi z hetym TAA «Dorohobaj», jakoje źjaŭlajecca ahienctvam prodažaŭ sietki turahienctvaŭ Coral Travel, a taksama indyvidualnamu pradprymalniku Dźmitryju Stachoviču nakiravany rekamiendacyi pryvieści infarmacyju na svaich internet-resursach u adpaviednaść z patrabavańniami zakanadaŭstva i ŭkazvać ceny tolki ŭ nacyjanalnaj valucie.
U MARH taksama paviedamili, što raniej anałahičnyja rekamiendacyi atrymali 18 uładalnikaŭ internet-resursaŭ, u tym liku kampanii «Kufar Tech», «Aŭtakłasifajd» (servis abjaŭ «AV.BAJ»), «Tvaja Stalica», «DATA TUR», «ElektraEvaKars» i inšyja. Pavodle infarmacyi viedamstva, usie jany ŭžo vykanali patrabavańni i prybrali z sajtaŭ paznačeńnie koštaŭ u zamiežnaj valucie.
Čytajcie taksama:
Apieratara A1 źbirajucca pakarać za prymusovy pieravod karystalnikaŭ na bolš darahi taryf
Nie buduć źbirać myty ź niekatorych vidaŭ aharodniny