Syrski: U Biełarusi znoŭ fiksavali pracu adnaho z retranślataraŭ. Bolš jany ich uklučać nie buduć, uśviadomiać, što tak nie treba

U ekskluziŭnym intervju telekanału TSN Hałoŭnakamandujučy Uzbrojenymi siłami Ukrainy Alaksandr Syrski raskazaŭ pra ciapierašniuju situacyju na froncie, stratehiju «aktyŭnaj abarony», pierarazańnie łahistyki praciŭnika i izalacyju Kryma. Siarod inšaha jon koratka vykazaŭsia i pra pytańnie retranślataraŭ na terytoryi Biełarusi.

Alaksandr Syrski. Fota ź jaho telehram-kanała

«Učora ŭ Biełarusi znoŭ fiksavali pracu adnaho z retranślataraŭ, ich nie demantavali. Bolš jany ich uklučać nie buduć. […] Uśviadomiać, što tak nie treba rabić», — zajaviŭ Alaksandr Syrski.

Što pad hetym majecca na ŭvazie, jon udakładnić admoviŭsia. 

19 červienia prezident Ukrainy Uładzimir Zialenski źviarnuŭsia da Alaksandra Łukašenki z patrabavańniem demantavać retranślatary, jakija Rasija vykarystoŭvaje dla naviadzieńnia dronaŭ. Zialenski zajaviŭ, što vykanać hetaje patrabavańnie treba na praciahu tydnia. Jon taksama papiaredziŭ, što kali Biełaruś hetaha nie zrobić, Ukraina likviduje retranślatary samastojna.

24 červienia Zialenski zajaviŭ, što retranślatary bolš nie pracujuć. 

Kamientary da artykuła