Pad Uzdoj milicyja razahnała vystavu dryft-aŭtamabilaŭ
Jak paviedamlaje pres-słužba MUS, va Uździenski RAUS pastupili šmatlikija paviedamleńni ad hramadzian pra ŭskładnieńnie darožnaha ruchu na aŭtadarozie R-23 kala vioski Tryścianiec.
Skrynšot ź videa MUS
Prybyŭšy na miesca, supracoŭniki milicyi pabačyli vialikuju kolkaść aŭtamabilaŭ uzdoŭž trasy, a taksama masavaje zboryšča ludziej na placoŭkach u lesapałasie pablizu.
Pa infarmacyi siłavikoŭ, metaj sustrečy była vystava dryft-aŭtamabilaŭ. Jaje praviadzieńnie nie było ŭzhodniena z uładami, a ŭdzielnikaŭ zaprašali praz sacyjalnyja sietki.
Na miescy znachodziłasia kala 600 čałaviek i bolš za 250 transpartnych srodkaŭ. U dačynieńni da arhanizataraŭ i najbolš aktyŭnych udzielnikaŭ skłali administracyjnyja materyjały, jakija nakiravany ŭ sud.
Siłaviki paviedamili prysutnym pra nieabchodnaść pakinuć miesca niesankcyjanavanaha mierapryjemstva, a supracoŭniki DAI pryniali adpaviednyja miery.
Čytajcie taksama:
U Breście pradaviec mašyn rekłamavaŭ aŭtamabil i nie dumaŭ pra azimyja
Što pahražaje biełarusam, kali dzicia zastaniecca adno ŭ mašynie ŭ śpiakotu