Chiet-tryk Dembiele dapamoh Francyi razhramić Narviehiju
Zbornaja Francyi z bujnym likam 4:1 pieramahła Narviehiju ŭ matčy treciaha tura hrupavoha etapu čempijanatu śvietu pa futbole 2026 hoda.
Usman Dembiele. Fota: AP Photo/Martin Meissner
Hałoŭnym hierojem sustrečy staŭ Usman Dembiele, jaki ŭžo da 32‑j chviliny aformiŭ chiet-tryk. Jon adkryŭ lik na 7‑j chvilinie, padvoiŭ pieravahu na 20-j, a praz 12 chvilin zabiŭ svoj treci hoł.
Narviežcy adkazali miačom Teła Oshara na 21‑j chvilinie, a ŭ druhim tajmie mieli šaniec skaracić adstavańnie, adnak Jorhien Stran Łarsen nie realizavaŭ pienalci. Kančatkovy lik u kampiensavany čas ustanaviŭ Dezire Due.
Pa vynikach hrupavoha etapu Francyja z maksimalna mahčymymi dzieviaćciu ačkami zaniała pieršaje miesca ŭ hrupie I. Narviehija, jakaja nabrała šeść ačkoŭ, finišavała druhoj i taksama prajšła ŭ płej-of.
U 1/16 finału francuzy sustrenucca z adnoj z nastupnych kamand: Šatłandyjaj, Parahvajem, Šviecyjaj, Bielhijaj abo Kaba-Verde. Supiernik Narviehii na hetaj stadyi ŭžo viadomy — zbornaja Kot-dJIvuara.
Čytajcie taksama:
Kot dJIvuar, Ekvador, Japonija, Šviecyja i Aŭstralija vyjšli ŭ płej-of čempijanatu śvietu
Vyznačyłasia pieršaja para, što zhulaje pamiž saboj u płej-of na mundyjali
Zbornaja Paŭdniovaj Afryki ŭpieršyniu ŭ historyi vyjšła ŭ płej-of čempijanataŭ śvietu
Kanada i Šviejcaryja vyjšli ŭ płej-of mundyjalu napramuju, Bośnija i Hiercahavina zachoŭvaje šancy