Dyzajnier pakazaŭ kupalniki z vyjavami biełaruskich praduktaŭ

Dyzajnier Loša Limonaŭ, viadomy jak stvaralnik padstavak pad piŭnyja kielichi ŭ vyhladzie viečak ad kanalizacyjnych lukaŭ, pradstaviŭ novuju pracu. Heta sieryja žanočych kupalnikaŭ z vyjavaj etykietak ad viadomych biełaruskich praduktaŭ, piša Blizko.by.

«Biełaruskuju zhuščonku i sodu niedzie bačyŭ i vyrašyŭ pasprabavać jak inšyja pradukty mahli b vyhladać na kupalnikach», — piša jon.

Taksama jon udakładniŭ, što brend «Prastakvašyna» nie biełaruski, «ale chaj budzie».

Kamientatary ŭ internecie chucieńka razhledzieli, što dyzajnier nie ŭručnuju malavaŭ hetyja eskizy, a aktyŭna ekspłuatavaŭ niejrasietki, jakija, jak heta časta byvaje, schałturyli.

Na kupalniku z šakaładkaj «Lubimaja Alonka» i «Staličny Elit» vyrazna vidać, što na łahatypie kampanii ŭ vyhladzie banta napisana zusim nie «Kommunarka», dy i nadpis na piačatcy vakoł daty «1905 h.» taksama zusim niečytelny.

Taksama kamientatary vykłali mužčynskuju viersiju kupalnaha kaściuma.

Kamientary da artykuła