U Minsku chutkaja dapamoha nie zmahła padjechać da chvoraha, bo prajezd zabłakavali pryparkavanyja mašyny
U Minsku da adkaznaści pryciahnuli kiroŭcaŭ dvuch lehkavych aŭtamabilaŭ, jakija pieraškodzili prajezdu mašyny chutkaj dapamohi, paviedamlaje UDAI HUUS Minskaha harvykankama.
Skrynšot ź videa
Incydent adbyŭsia ŭ dvary doma №21 na vulicy Babrujskaj. Aŭtamabil chutkaj dapamohi nie zmoh padjechać da miesca vykliku, bo prajezd byŭ zabłakavany mašynami Toyota i Chevrolet, pryparkavanymi z parušeńniem Praviłaŭ darožnaha ruchu.
Pra vypadak paviedamili jak karystalniki internetu, jakija apublikavali videa, tak i supracoŭniki bryhady chutkaj dapamohi. U vyniku miedykam daviałosia pakinuć aŭtamabil i iści pieššu da susiedniaha doma.
Supracoŭniki DAI Kastryčnickaha rajona Minska apieratyŭna vyjechali na miesca, ustanavili asoby parušalnikaŭ i pryciahnuli ich da adkaznaści ŭ adpaviednaści z zakanadaŭstvam.
U Dziaržaŭtainśpiekcyi nahadvajuć, što parušeńnie praviłaŭ prypynku i stajanki moža nie tolki stvaryć niazručnaści, ale i pieraškodzić svoječasovamu akazańniu miedycynskaj dapamohi ludziam, jakija majuć u joj patrebu.
Čytajcie taksama:
U Minsku ŭ aŭtamabili znajšli trup. Jon pralažaŭ tam piać dzion
U Viciebsku siamihadovy chłopčyk vypaŭ z akna, pakul jahonyja baćki spali pjanyja