Ukraincy zajavili pra źniščeńnie čyhunačnaha mosta cieraz Paŭnočna-Krymski kanał

Ukrainskija Siły śpiecyjalnych apieracyj zajavili pra źniščeńnie čyhunačnaha mosta cieraz Paŭnočna-Krymski kanał u rajonie siała Razdolnaje ŭ akupavanym Krymie.

Skrynšot ź videa

Pavodle paviedamleńnia ŭkrainskaha boku, u noč na 22 červienia bieśpiłotniki nanieśli ŭdar pa moście, u vyniku čaho byli paškodžanyja čyhunačnaje pałatno i adzin z pralotaŭ. Paśla hetaha na miesca prybyła ramontnaja technika, jakaja taksama trapiła pad ataku ŭ noč na 23 červienia. U SSA USU śćviardžajuć, što paśla hetych udaraŭ most byŭ całkam vyviedzieny sa stroju.

Posmotrieť v Threads

Ukrainskija vajskoŭcy adznačajuć, što hety abjekt vykarystoŭvaŭsia dla łahistyčnaha zabieśpiačeńnia rasijskich vojskaŭ na paŭdniovym napramku i dla padtrymki vajskovaj infrastruktury ŭ Krymie.

U červieni ŭkrainskija siły ŭžo nieadnarazova nanosili ŭdary pa mastach i pierapravach, jakija złučajuć anieksavany Rasijaj ukrainski Krym z akupavanymi terytoryjami Chiersonskaj vobłaści. Paviedamlałasia pra paškodžańnie niekalkich mastoŭ praz Paŭnočna-Krymski kanał, a taksama pierapraŭ u rajonach Čanhara, Hieničeska i Armianska.

Taksama ŭkrainski bok zajaŭlaje pra ŭzmacnieńnie atak na transpartnuju infrastrukturu, jakaja vykarystoŭvajecca dla zabieśpiačeńnia rasijskaj hrupoŭki ŭ Krymie. Pavodle pradstaŭnikoŭ Ukrainy, meta takich dziejańniaŭ — uskładnić pastaŭki techniki, bojeprypasaŭ i paliva na paŭvostraŭ.

Kamientary da artykuła