U Biełarusi vyrablajuć dziciačyja broniekamizelki, jakija ŭžo pastaŭlajuć u Rasiju
Na vystavie-forumie «Nacyjanalnaja biaśpieka. Biełaruś-2026» biełaruskaja kampanija «Brania» pradstaviła śpiecyjalnyja srodki abarony dla dziaciej — supraćaskiepkavuju broniekamizelku i achoŭnaje ponča, piša rasijskaje ahienctva TASS.
Pa słovach pradstaŭnika kampanii, hetyja vyraby pryznačanyja dla vykarystańnia padčas evakuacyi dziaciej z zon bajavych dziejańniaŭ. Ich hałoŭnaja zadača — zabiaśpiečyć chacia b minimalnuju abaronu ad askiepkaŭ, pakolki ŭ sučasnych kanfliktach značnaja častka paškodžańniaŭ adbyvajecca mienavita ad askiepkaŭ snaradaŭ, bojeprypasaŭ i atak bieśpiłotnikaŭ.
Abodva vyraby zroblenyja z aramidnaj tkaniny i adpaviadajuć kłasu abarony Br2. Vaha broniekamizelki i ponča składaje prykładna pa try kiłahramy.
Pavodle infarmacyi kampanii, padobnyja srodki abarony ŭžo pastaŭlajucca ŭ jakaści humanitarnaj dapamohi ŭ Rasiju, u tym liku ŭ Biełharadskuju vobłaść.
Asablivaściu hetych vyrabaŭ staŭ ich źniešni vyhlad. Zamiest tradycyjnaj vajskovaj afarboŭki jany aformlenyja jak dziciačaje adzieńnie ź jarkimi malunkami. Raspracoŭniki tłumačać heta žadańniem źmienšyć psichałahičny stres u dziaciej. Na ich dumku, kali na dzicia nadziavajuć zvyčajnuju vajskovuju broniekamizelku, heta moža vyklikać strach i dadatkovuju tryvohu, tamu dziciačy dyzajn pavinien zrabić vykarystańnie takich srodkaŭ abarony mienš traŭmatyčnym ź psichałahičnaha punktu hledžańnia.
Čytajcie taksama:
Adno dzicia, što trapiła pad abstreł u Branskaj vobłaści, znachodzicca ŭ ciažkim stanie