«Kitajanka» abiacała navučyć žychara Dobruša dobra zarablać. Ale zarabiła tolki sama
Žychar Dobruša staŭ achviaraj internet-machlarki, jakaja vydavała siabie za paśpiachovuju pradprymalnicu z Kitaja. Mužčyna paznajomiŭsia ź joj u internecie, i z časam pamiž imi skłalisia davierlivyja adnosiny, piša rajonka «Dobrušski kraj».
Zdymak ilustracyjny. Fota: magnific.com
Žančyna raskazała, što pracuje ŭ kitajskaj internet-kramie, i prapanavała biełarusu mahčymaść dobra zarabić. Ale spačatku jana paprasiła pieraličyć nievialikuju sumu hrošaj nibyta dla ŭdziełu ŭ vyhadnaj schiemie. Mužčyna pavieryŭ joj i zrabiŭ pieravod.
Paźniej suma pieraličanych hrošaj pavialičyłasia da 25 tysiač dalaraŭ, adnak abiacanaha prybytku jon tak i nie atrymaŭ. Paśla atrymańnia vialikaj sumy «biznes-partniorka» pierastała vychodzić na suviaź.
Zrazumieŭšy, što staŭ achviaraj padmanu, žychar Dobruša źviarnuŭsia ŭ milicyju. Pa fakcie machlarstva raspačata kryminalnaja sprava.
Čytajcie taksama:
Biełaruscy zakarcieła papracavać za miažoj, ale šlach jana abrała niaŭdały
Minski junak pradavaŭ virtualny nož i realna straciŭ bolš za 450 dalaraŭ