Kiraŭnik Pientahona dapuściŭ mahčymaść vykradańnia prezidenta Kuby
Kančatkovaje rašeńnie prymie Donald Tramp.
Mihiel Dyjas-Kaniel kiruje Kubaj z 2018 hoda, choć pa źviestkach mocny ŭpłyŭ na palityku praciahvaje akazvać 94‑hadovy Raul Kastra Fota: Emilio Flores / Anadolu via Getty Images
Kiraŭnik Pientahona Pit Chiehset zajaviŭ, što ZŠA razhladajuć mahčymaść vykradańnia prezidenta Kuby Mihiela Dyjasa-Kaniela, pišuć amierykanskija ŚMI.
Adnak kančatkovaje rašeńnie prymie Donald Tramp, dadaŭ jon.
Chmary nad Kubaj zhuścilisia paśla taho, jak ZŠA zachapili 3 studzienia ŭ Karakasie Nikałasa Madura i jaho žonku, a potym nanieśli ŭdar pa Iranie.
Top-čynoŭniki ŭ Vašynhtonie nieadnarazova zajaŭlali, što Kuba — nastupnaja, na kaho źviernuć uvahu ZŠA.
Vašynhton maje namier damahčysia źmieny palityčnaha režymu na Kubie i budzie zajmacca hetym paśla zaviaršeńnia vajny ź Iranam, zajaviŭ na minułym tydni Donald Tramp.
«U nas vielmi dobryja płany ŭ adnosinach da Kuby. Ja dumaju, nam daviadziecca pazbavicca režymu, jaki byŭ vielmi žorstkim, vielmi niepryjemnym. My raźbiaromsia ź Isłamskaj Respublikaj Iran, i jak tolki heta budzie zroblena, pa darozie nazad my na karotki čas spynimsia, kab zaniacca hetym. My chočam im dapamahčy», — skazaŭ kiraŭnik Biełaha doma padčas razmovy z žurnalistami.
Čytajcie taksama:
Tramp zajaviŭ pra płany źmianić režym na Kubie paśla taho, jak raźbiarecca ź Iranam