U Kobrynie darožnyja słužby zaasfaltavali zavułak Budaŭničy. Akazałasia, što tolki na papiery
Kamitet dziaržaŭnaha kantrolu Bresckaj vobłaści razhledzieŭ zvarot žycharoŭ Kobryna nakont stanu darožnaha pakryćcia na zavułku Budaŭničym i paćvierdziŭ, što realnaja situacyja ad namalavanaj na papiery vielmi adroźnivajecca.
Fota: KDK
Raniej u adkazach miascovaha rajvykankama śćviardžałasia, što amal usia prajeznaja častka zavułka (kala 400 mietraŭ z 540) maje asfaltabietonnaje pakryćcio i znachodzicca ŭ zdavalniajučym stanie.
Adnak fotamateryjały, jakija prysłali zajaŭniki ŭ KDK, śviedčyli, što faktyčny stan darohi zusim nie adpaviadaje hetym źviestkam. Heta paćvierdziła i kamisija, jakaja vyjazdžała niepasredna na miesca.
Paśla ŭmiašańnia KDK na zavułku Budaŭničym byli vykanany raboty pa padsypcy prajeznaj častki asfaltahranulatam.
Fota: KDK
Za nienaležny razhlad zvarotu adkaznych słužbovych asob rajvykankama i kamunalnaha pradpryjemstva pryciahnuli da adkaznaści.
Čytajcie taksama:
U Breście źjavilisia niezvyčajnyja darožnyja aryjenciry dla turystaŭ
U Minsku zaasfaltavali parkoŭku, abyšoŭšy aŭtamabil, jaki stajaŭ na joj FOTAFAKT
Kačanava zacikaviłasia biznesam u śfiery pachavalnych pasłuh, KDK pravieryć sistemu
KDK raskazaŭ pra schiemu niezakonnaha vyvadu hrošaj u biełaruskim šou-biznesie