Jak prachodzić pieratrus pa spravie EHU
Da baćkoŭ adnaho z vypusknikoŭ, jakija pražyvajuć u bujnym horadzie, pryjšli dva čałavieki, što pradstavilisia supracoŭnikami KDB.
Krynica Mayday team padzialiłasia, jak u jaje znajomych prajšoŭ vobšuk pa kryminalnaj spravie za supracoŭnictva ź Jeŭrapiejskim humanitarnym univiersitetam.
Da baćkoŭ adnaho z vypusknikoŭ, jakija pražyvajuć u bujnym horadzie, pryjšli dva čałavieki, što pradstavilisia supracoŭnikami KDB. Pry hetym nijakich dakumientaŭ jany nie pakazali, a imiony i proźviščy nazyvać admovilisia.
Baćkam adrazu dali zrazumieć, što vobšuk pravodzicca ŭ miežach kryminalnaj spravy za supracoŭnictva z «ekstremisckim farmavańniem» (art. 361 KK RB). Pryčynaj staŭ vypusk ich dziciaci paśla navučańnia ŭ EHU.
Sam vobšuk prachodziŭ u spakojnaj maniery, vioŭsia adpaviedny pratakoł. Adnak paśla zakančeńnia apieratyŭnaha dziejańnia nijakija dakumienty na ruki baćkam vydadzienyja nie byli.
Akramia taho, siłaviki zapatrabavali, kab vypusknik dasłaŭ im u elektronnym vyhladzie kopiju dypłoma, jaki paćviardžaje zakančeńnie navučańnia va ŭniviersitecie — u takim vypadku małady čałaviek nibyta paźbiehnie pakarańnia.
Učora stała viadoma, što pa ŭsioj Biełarusi prakaciłasia chvala vobšukaŭ u svajakoŭ ludziej, jakija vučylisia ŭ EHU. Heta stała praciaham represiŭnaj palityki ŭładaŭ u dačynieńni da VNU: u siaredzinie krasavika 2026 hoda Viarchoŭny sud krainy ŭnios EHU ŭ śpis tak zvanych «ekstremisckich farmavańniaŭ».
Čytajcie taksama:
Siłaviki prychodziać da studentaŭ EHU — i ciapierašnich, i byłych
Niekalki vykładčykaŭ EHU z pryznańniem univiersiteta ekstremicckaj ustanovaj spynili supracoŭnictva
Kala 100 studentaŭ pakinuli EHU paśla pryznańnia ŭniviersiteta «ekstremisckaj arhanizacyjaj»