Marharyta Laŭčuk pierajechała ŭ Kijeŭ
Dahetul dva hady jana ź siamjoj žyła ŭ Charkavie.
Marharyta Laŭčuk z mužam Rusłanam Karnijkam i synam Maksimam. Fota: sacsietki Laŭčuk
Opiernaja śpiavačka Marharyta Laŭčuk niekalki hadoŭ žyvie va Ukrainie. U 2024 hodzie jana vyjšła zamuž za ŭkrainskaha vajskoŭca Rusłana Karnijku, u tym ža hodzie ŭ pary naradziŭsia syn.
Raniej siamja žyła ŭ Charkavie, adkul abrańnik Marharyty. Ciapier śpiavačka paviedamiła, što jany pierajechali ŭ Kijeŭ.
«Dziakujem Charkavu za ščaślivyja dva hady. Spadziajomsia ŭ Kijevie našaje žyćcio budzie jašče bolš cikavym i ščaślivym», — napisała ŭ sacsietkach Marharyta.
Niadaŭna śpiavačka atrymała miedal Franciška Skaryny ad Cichanoŭskaj i Abjadnaha pierachodnaha kabinieta. U 2020 hodzie jana padtrymała pratesty, a paśla pačatku poŭnamaštabnaj vajny va Ukrainie jeździła z muzykami vystupać dla ŭkrainskich vajskoŭcaŭ na froncie.
Niahledziačy na vyraznuju antyvajennuju pazicyju i muža, jaki słužyć va ŭkrainskim vojsku, Laŭčuk davodziłasia sutykacca z abmiežavańniami praź jaje biełaruski pašpart. Niadaŭna, naprykład, jana raspaviadała, jak joj admovili ŭ kredycie na žyllo. A dla atrymańnia ŭkrainskaha PMŽ jaje prahnali praz palihraf.
Čytajcie taksama:
Siamji Marharyty Laŭčuk admovili ŭ kredycie na žyllo ŭ Kijevie z-za taho, što jana biełaruska