12‑hadovaha minčuka złavili na raspaŭsiudzie narkotykaŭ. Jamu ničoha nie budzie
Chłopiec chacieŭ zarabić $1000 i kupić elektrasamakat.
Zdymak ilustracyjny. Fota: vecteezy.com
Adna ź dziaržaŭnych haziet raskazała, jakim čynam padletki viarbujucca ŭ zakładčyki narkotykaŭ. Siarod ich byvajuć i takija, jakich praz mały ŭzrost jašče nielha kryminalna karać:
«U Minsku 12‑hadovy padletak byŭ uciahnuty ŭ niezakonny biznes. Jamu paabiacali $1 tys. za kurjerskuju pracu, na hetyja hrošy niepaŭnaletni maryŭ kupić elektrasamakat. Źbiraŭ zakładki i fasavaŭ ich na bolš drobnyja, a zatym raskładvaŭ pa ŭkazanych punktach. Trochi bolš čym praz tydzień byŭ zatrymany. U vyniku adkazvać pryjdziecca baćkam pa ŭsioj strohaści zakona».
Baćki za heta prajšli praz nastupnyja sankcyi:
«Administracyjny praces za nievykanańnie imi abaviazkaŭ pa vychavańni dziaciej. U vyniku im pryjšłosia zapłacić niemały štraf. Siamja pastaŭlena na prafiłaktyčny ŭlik, ź dziećmi pravodziłasia indyvidualnaja prafiłaktyčnaja praca supracoŭnikami inśpiekcyi pa spravach niepaŭnaletnich».
Čytajcie taksama:
U Homieli zakładčyk pradaŭ śmiarotnuju dozu mietadonu i atrymaŭ 14 hadoŭ
Minčuk kupiŭ narkotyki, ale zabrać ich nie paśpieŭ. Ale jamu ŭsio roŭna pahražaje termin