Rakieta Blue Origin miljardera Džefa Biezasa vybuchnuła na starcie
«Rakiety —štuka niaprostaja», — prakamientavaŭ jaho kankurent Iłan Mask.
Skrynšot videa NASA
Rakieta kampanii Blue Origin miljardera Džefa Biezasa vybuchnuła na startavaj placoŭcy mysa Kanavierał u Fłarydzie (ZŠA).
«Padčas siońniašnich vyprabavańniaŭ z zapalvańniem ruchavika adbyłasia anamalija», — paviedamili kampanija 29 traŭnia.
Biezas zapeŭniŭ, što ŭvieś piersanał u biaśpiecy. Pryčyny vybuchu rakiety New Glenn pakul nie nazyvajucca. «Vielmi ciažki dzień, ale my adnovim usio, što spatrebicca, i vierniemsia da palotaŭ. Heta taho varta», — napisaŭ miljarder.
Blue Origin — kankurent kampanii SpaceX. Jaje zasnavalnik Iłan Mask prakamientavaŭ incydent z rakietaj: «Vielmi sumna. Rakiety — štuka niaprostaja».
U Blue Origin zaklučany kantrakt z amierykanskim kaśmičnym ahienctvam na pastaŭku pasadačnaha modula dla dastaŭki astranaŭtaŭ na Miesiac u ramkach prahramy NASA Artemis.
Vysadka na Miesiac zapłanavana na 2028 hod.