Śpiavačka Boni Tajler paśla terminovaj apieracyi trapiła ŭ komu

Pavodle paviedamleńniaŭ partuhalskich miedyja, viadomaja brytanskaja śpiavačka Boni Tajler paśla terminovaj apieracyi na kišečniku znachodzicca ŭ stanie štučnaj komy.

Boni Tajler. Fota: AP Photo/Alastair Grant

Paviedamlajecca, što 74‑hadovaj artystcy stała drenna jašče 30 krasavika ŭ Partuhalii, dzie jana žyvie častku času. U jaje pačalisia mocnyja boli ŭ žyvacie, paśla čaho śpiavačku špitalizavali ŭ balnicu horada Faru i praviali apieracyju.

Napiaredadni mieniedžar Tajler kazaŭ, što apieracyja prajšła paśpiachova, adnak ciapier daktary pakul nie dajuć prahnozaŭ adnosna jaje stanu. Taksama nieviadoma, što budzie z kancertami, jakija byli zapłanavanyja na maj i červień u roznych krainach Jeŭropy.

Raniej u 2025 hodzie śpiavačka ŭžo pieraniesła apieracyju na kalenie, z-za čaho była vymušanaja častkova źmianić hastrolny hrafik. Tady jana kazała, što praciahvaje vystupać i padtrymlivaje formu z dapamohaj chatnich zaniatkaŭ piłatesam.

Boni Tajler, sapraŭdnaje imia jakoj Hiejnar Chopkins, naradziłasia va Uelsie i stała suśvietna viadomaj u 1970— 1980‑ch hadach. Najbolšuju słavu joj pryniesła pieśnia Total Eclipse of the Heart. Taksama šyroka viadomyja jaje chity Holding Out for a Hero i It's a Heartache.

U 2013 hodzie jana pradstaŭlała Vialikabrytaniju na «Jeŭrabačańni», a ŭ 2023 hodzie atrymała zvańnie kavalera Ordena Brytanskaj impieryi.

Kamientary da artykuła