Jašče adzin biełaruski chakieist padpisaŭ kantrakt z kłubam NCHŁ

Kłub «Juta Mamat» z Sołt-Lejk-Sici abjaviŭ ab padpisańni kantrakta ź Jahoram Borykavym, paviedamlaje Hockey.by.

Jahor Borykaŭ

Biełaruski napadajučy Jahor Borykaŭ padpisaŭ kantrakt navička z «Jutaj» na try hady.

Na drafcie NCHŁ 2025 hoda forvard byŭ vybrany «Mamatam» u 4‑m raundzie pad ahulnym 110‑m numaram.

20‑hadovy Jahor Borykaŭ pačynaŭ zajmacca chakiejem u škole žłobinskaha «Mietałurha». U siezonie 2022/2023 hulaŭ u Maładziožnaj chakiejnaj lizie za «Dynama-Šyńnik» z Babrujska, a ŭ 2023 hodzie atrymaŭ šaniec, pačaŭšy hulać za minskaje «Dynama» ŭ KCHŁ. Spačatku padpisaŭ probny kantrakt, a paśla — paŭnavartasnaje pahadnieńnie da 2026 hoda. 

Svaju pieršuju šajbu ŭ KCHŁ tady 18‑hadovy Borykaŭ zakinuŭ u listapadzie 2023 hoda ŭ matčy suprać omskaha «Avanharda», staŭšy samym maładym aŭtaram hoła ŭ historyi minskaha «Dynama». U tym ža hodzie jaho ŭpieršyniu vyklikali ŭ nacyjanalnuju zbornuju Biełarusi.

Kamientary da artykuła