Navapałačanin zavierbavaŭsia ŭ rasijskaje vojska i pajechaŭ vajavać. Ciapier jaho šukaje dačka
Žycharka Navapołacka Alaksandra Bahdanava (Słocina) raźmiaściła videazvarot adnosna pošuku svajho baćki — 56‑hadovaha hramadzianina Biełarusi Dźmitryja Słocina, zaŭvažyŭ telehram-kanał «Vitiebsk, ja hulaju!»
Dźmitryj Słocin
U padmaskoŭnym Nahinsku mužčyna padpisaŭ kantrakt z rasijskaj armijaj, prachodziŭ słužbu ŭ 11‑j rocie 4‑ha bataljona, 1‑m motastrałkovym pałku.
4 studzienia hetaha hoda jon apošni raz vychodziŭ na suviaź, z 29 studzienia ličycca źnikłym bieź viestak.
Dačka źviarnułasia ŭ roznyja rasijskija dziaržaŭnyja orhany — Minabarony, SK, vajskovuju palicyju, vajskovuju prakuraturu. Joj nie adkazali va ŭstanoŭlenyja terminy, i ciapier jana maje namier padać zajavu na biaździejnaść rasijskich orhanaŭ.
Raniej Dźmitryj Słocin pracavaŭ na navapołackim «Naftazavodmantažy», a apošnim časam, miarkujučy z usiaho, u Rasii.