Krainy Bałtyi znoŭ nie puściać Robierta Fica na parad u Maskvu praz svaju terytoryju
Premjer-ministr Słavakii Robiert Fica zajaviŭ, što Litva i Łatvija i sioleta nie dazvolać jahonamu samalotu pralacieć praz svaju pavietranuju prastoru pa darozie ŭ Maskvu na śviatkavańnie Dnia Pieramohi.
Premjer-ministr Słavakii Robiert Fica z Uładzimiram Pucinym u Maskvie 22 śniežnia 2024 hoda. Fota: Gavriil Grigorov, Sputnik, Kremlin Pool Photo via AP
Pry hetym słavacki premjer adznačyŭ, što budzie znojdzieny alternatyŭny maršrut. Jon nahadaŭ, što padobnaja situacyja ŭžo ŭźnikała ŭ 2025 hodzie, kali Estonija, Łatvija i Litva taksama admovilisia prapuskać jaho bort u Rasiju.
Fica vykazaŭ nadzieju, što, jak i letaś, usio ž paśpieje ŭskłaści kvietki da Mahiły Nieviadomaha sałdata ŭ Maskvie.
Taksama jon paviedamiŭ, što ŭ najbližejšyja miesiacy płanuje pryniać udzieł u mierapryjemstvach, pryśviečanych 82‑j hadavinie vysadki sajuźnikaŭ u Narmandyi, a taksama va ŭračystaściach z nahody 250‑hodździa ZŠA.
Čytajcie taksama:
«Słavakija i Sierbija pieramohuć!» Vučyč i Fica zapisali videa na fonie Kramla
Parad u Maskvie ŭsio ž budzie, i Łukašenka na jaho pajedzie
Premjer Słavakii pryjedzie na śviatkavańnie 9 Maja ŭ Maskvu
Premjer Fica: Meta ŭrada Słavakii nie paražeńnie Rasii, a chutčejšy kaniec vajny va Ukrainie