U Antarktycy navukoŭcy znajšli novy vostraŭ. Raniej dumali, što heta ajśbierh
Adkryćcio palarnaja ekśpiedycyja niamieckaha Instytuta Alfreda Viehieniera zrabiła ŭ mory Uedeła, u rajonie, dzie vielmi šmat ledzianych hłybaŭ. Tamu na spadarožnikavych zdymkach abjekt nie vyłučaŭsia i vyhladaŭ jak čarhovy ajśbierh.
Fota: Alfred Wegener Institute / Simon Dreutter
Navat kali daśledčyki nablizilisia da jaho na karabli, spačatku jany taksama padumali, što heta lod. Adnak paźniej zaŭvažyli adroźnieńnie: jon mieŭ bolš šery koler i vyhladaŭ niby pakryty hlejem abo brudam, u adroźnieńnie ad čysta biełych ajśbierhaŭ.
Paśla bolš uvažlivaha ahladu stała zrazumieła, što heta sapraŭdny vostraŭ. Jon pakul nie atrymaŭ nazvy i budzie aficyjna naniesieny na hieahrafičnyja karty paśla zaviaršeńnia daśledavańniaŭ.
Fota: Alfred Wegener Institute / Simon Dreutter
Vostraŭ vielmi mały: jaho płošča kala 6200 kvadratnych mietraŭ, heta mienš za niekalki haradskich budynkaŭ. Pa formie jon vyciahnuty — prykładna 130 mietraŭ u daŭžyniu i kala 50 mietraŭ u šyryniu. Najvyšejšy punkt uzvyšajecca prykładna na 16 mietraŭ nad uzroŭniem mora.
Palarnaja ekśpiedycyja składałasia z 93 navukoŭcaŭ z roznych krain. Jany zajmalisia vyvučeńniem dna mora i ruchu lodu, u tym liku šelfavaha ledavika Łarsena. Daśledčyki taksama vykarystoŭvali drony, kab źvierchu sfatahrafavać i zamacavać dakładnaje raźmiaščeńnie novaha abjekta.
Navukoŭcy adznačajuć, što adkryćcio adbyłosia padčas rabot u rajonie, jaki ličyŭsia drenna vyvučanym i patencyjna niebiaśpiečnym dla navihacyi.
Čytajcie taksama:
Antarktyda maje «hravitacyjnuju dzirku». Što heta takoje i ci niasie pahrozu płaniecie?
U ledaviku kala Antarktydy znajšli cieła navukoŭca, jaki zahinuŭ u 1959 hodzie
Adzin z samych stabilnych ledavikoŭ śvietu pačaŭ rastavać z rekordnaj chutkaściu