Pierad śviatami machlary śpiašajucca pavinšavać ludziej paštoŭkami z padvocham

Napiaredadni Vialikadnia machlary pačali masava rassyłać tak zvanyja «vielikodnyja paštoŭki». Na vyhlad vyhladajuć zvyčajna i navat pryjemna: pryhožyja vyjavy, ciopłyja vinšavańni i nibyta asabisty podpis ad znajomaha čałavieka. Adnak na samaj spravie jany vielmi niebiaśpiečnyja.

Fota: t.me/infoinspect

Schiema pracuje prosta: čałaviek atrymlivaje paviedamleńnie ź vinšavańniem i bačyć spasyłku. Pakolki heta adbyvajecca pierad śviatam i paviedamleńnie vyhladaje vartym davieru, mnohija nie zadumvajucca i naciskajuć na spasyłku.

Dalej mahčymyja roznyja scenary:

• pierachod na falšyvy sajt, dzie sprabujuć vymanić asabistyja danyja;
• zapyt uvieści paroli, numary kart ci inšyja kanfidencyjnyja źviestki;
• aŭtamatyčnaja zahruzka škodnasnych prahram na pryładu.

Asnoŭnaja niebiaśpieka ŭ tym, što takija ataki vykarystoŭvajuć «śviatočny efiekt»: u pieryjad śviataŭ (Vialikdzień, Novy hod, 8 sakavika i inšyja) ludzi stanoviacca mienš uvažlivymi i bolš davierlivymi. Machlary heta dobra viedajuć i śpiecyjalna pryviazvajuć svaje schiemy da kalendara śviataŭ. Prytym u Biełarusi takija rassyłki vielmi papularnyja.

Hałoŭnaje praviła biaśpieki ŭ hetym vypadku prostaje: nie naciskać na spasyłki ŭ padazronych abo niečakanych vinšavańniach, navat kali jany vyhladajuć jak byccam ad znajomaha čałavieka.

Kamientary da artykuła