Byłomu namieśniku Šajhu dali 19 hadoŭ źniavoleńnia
Były namieśnik ministra abarony Rasii Pavieł Papoŭ asudžany da 19 hadoŭ kałonii strohaha režymu pa spravie ab kradziažy srodkaŭ u padmaskoŭnaha parka «Patryjot».
Pavieł Papoŭ. Fota: TASS
Sud pryznaŭ jaho vinavatym u machlarstvie, atrymańni chabaru, pieravyšeńni słužbovych paŭnamoctvaŭ, słužbovym padłohu i niezakonnym zachoŭvańni zbroi. Akramia pazbaŭleńnia voli, jamu pryznačyli vialiki štraf, kanfiskacyju majomaści, a taksama pazbavili hienieralskaha zvańnia i dziaržaŭnych uznaharod.
Pavodle materyjałaŭ spravy, u 2021—2024 hadach srodki, vydzielenyja na park «Patryjot» i jaho infrastrukturu, častkova vykarystoŭvalisia dla asabistych patreb fihurantaŭ, u tym liku budaŭnictva zaharadnaha doma. Ahulnaja suma niezakonnaha ŭzbahačeńnia ŭ spravie aceńvajecca bolš čym u 60 miljonaŭ rasijskich rubloŭ (kala 780 tysiač dalaraŭ).
Akramia Papova, u hetaj spravie fihuravali i inšyja vysokapastaŭlenyja čynoŭniki Ministerstva abarony. Jany pajšli na supracoŭnictva sa śledstvam i atrymali bolš miakkija terminy pakarańnia.
Sam Papoŭ vinu nie pryznaŭ i budzie abskardžvać prysud.
Čytajcie taksama:
Rasijski hienierał: Va Ukrainie my atrymali žorstki ŭrok, narod tam suprać nas
FSB kaža, što Šajhu sprabavali ŭzarvać na mahile jaho maci
Dziaciej ź biełaruskaha spartyŭnaha kłuba pryvieźli pamalicca ŭ vajskovy chram pad Maskvoj