Na svabodu vyjšaŭ spartyŭny žurnalist Dźmitryj Sielviastruk

U źniavoleńni jon pravioŭ amal try hady.

Dźmitryj Sielviastruk. Fota: sacsietki

Dźmitryja Sielviestruka zatrymali 10 maja 2023 hoda. Jamu prysudzili try hady kałonii pavodle č. 1 art. 361‑4 Kryminalnaha kodeksa — «sadziejničańnie ekstremisckaj dziejnaści».

33‑hadovaha błohiera nakiravali adbyvać termin u škłoŭskuju kałoniju №17.

Jak stała viadoma pravaabaroncam, 7 sakavika 2026 hoda mužčyna vyjšaŭ na volu pa zakančeńni terminu.

Dniami Sielviastruk źviarnuŭsia da padpisčykaŭ svajho futbolnaha th-kanała «Srebranaje stahodździe»:

«Mnie pakul što vielmi ciažka ŭ siabie pryjści, ale ja pracuju nad hetym. Pa mahčymaści sačyŭ za našym futbołam. Zasmučany, kali ščyra, ale i pazityvu chapaje».

Dźmitryju 36 hadoŭ, jon były supracoŭnik «Narodnaj haziety», dzie pisaŭ pra sacyjalnyja temy i IT-industryju. Ale ŭžo šmat hadoŭ Sielviastruk źviazany sa sportam: jon supracoŭničaŭ z vydańniem Football.by i maje ŭłasny th-kanał «Srebranaje stahodździe. Futboł Biełarusi».

Kamientary da artykuła