10% kvater u Minsku ŭ sakaviku nabyli rasijanie
U sakaviku 2026 hoda hramadzianie Rasii nabyli kala 10% usich kvater, pradadzienych u Minsku. Pavodle danych Minskaha haradskoha ahienctva dziaržaŭnaj rehistracyi, tolki za hety miesiac na rasijan było aformlena 126 ździełak kupli-prodažu nieruchomaści.
Zdymak ilustracyjny. Fota z sacsietak
Usiaho ž u Minsku za sakavik zafiksavali 1284 ździełki, tamu dola pakupnikoŭ z Rasii skłała prykładna dziasiatuju častku ad ahulnaj kolkaści.
U ahienctvie adznačyli, što rasijanie majuć zakonnaje prava kuplać nieruchomaść u Biełarusi. Jany mohuć nabyvać jak kvatery, tak i damy abo ofisy biez abmiežavańniaŭ, ale pavinny pravilna pravodzić finansavyja raźliki, asabliva kali havorka idzie pra bujnyja sumy.
Ekśpierty ličać, što takija pakupniki ŭpłyvajuć na rost siarednich cen. Zvyčajna jany cikaviacca nie samym tannym žyllom, a kvaterami bolš vysokaha kłasa, tamu ahulny ŭzrovień cen na rynku pavyšajecca.
Rost cikavaści rasijan da žylla ŭ Biełarusi moža być źviazany z abmiežavańniami ŭ samoj Rasii. U suviazi z hetym niekatoryja ludzi razhladajuć pierajezd u Biełaruś i vyvučajuć mahčymaści dla žyćcia ŭ krainie.
Čytajcie taksama:
Rasijanie afarmlajuć biełaruskija DNŽ, kab jeździć na aŭto na biełaruskaj rehistracyi. U čym sens?
Rasijanie zadumalisia pra pierajezd u Biełaruś. Čamu dla ich tut tak miodam namazana?