Iran pačaŭ brać płatu z sudnaŭ za prachod praz Armuzski praliŭ
Niahledziačy na faktyčnuju błakadu Iranam Armuzskaha praliva, niekatoryja sudny ŭsio ž taki praź jaho prachodziać. Pavodle źviestak ahienctva Bloomberg, z častki ź ich Iran pačaŭ spahaniać da 2 miljonaŭ dalaraŭ za rejs. Pry hetym taki zbor nie maje aficyjna zamacavanaj formy: jon vykarystoŭvajecca vybaračna, a sposaby apłaty i valuta nie raskryvajucca.
Zdymak ilustracyjny. Fota: AP Photo/Altaf Qadri
Ułady Irana taksama razhladajuć mahčymaść uviadzieńnia aficyjnaj płaty za karystańnie pralivam i navat abmiarkoŭvajuć uklučeńnie hetaha miechanizmu ŭ budučyja mižnarodnyja damoŭlenaści paśla zaviaršeńnia kanfliktu. Adnak inšyja krainy Piersidskaha zaliva vystupajuć suprać, bo heta robić ich jašče bolš zaležnymi ad Irana.
Pry hetym iranskija tankiery praciahvajuć vyvozić svaju naftu.
Armuzski praliŭ maje klučavoje značeńnie dla suśvietnaj ekanomiki: praź jaho prachodzić kala 20% pastavak nafty i zvadkavanaha hazu, a taksama transpartujucca ŭhnajeńni, mietały i inšyja tavary.
Čytajcie taksama:
Jeŭrasajuz adkłaŭ razhlad prapanovy pra poŭnuju zabaronu na impart rasijskaj nafty
Iran zaminiruje ŭsie marskija šlachi ŭ Piersidskim zalivie ŭ vypadku naziemnaj apieracyi ZŠA
Tramp zajaviŭ, što choča brać udzieł u kiravańni Iranam
Tramp zajaviŭ, što nie choča pieramirja ź Iranam, i znoŭ abrynuŭsia na sajuźnikaŭ pa NATA