Chakiejnaje «Dynama» prymusili źmienšyć ceny na kvitki
Dniami stała viadoma, što Ministerstva antymanapolnaha rehulavańnia i handlu (MARH) źviarnułasia da chakiejnaha kłuba «Dynama-Minsk» z patrabavańniem rastłumačyć, čamu kvitki na chatnija matčy płej-of Kantynientalnaj chakiejnaj lihi stali kaštavać tak doraha. Vyhladaje, što tłumačeńniaŭ davać nie stali.
Fota ilustracyjnaje
«Z ulikam rekamiendacyj MARH ad chakiejnaha kłuba «Dynama-Minsk» 20 sakavika 2026 hoda atrymanyja zapeŭnivańni ŭ tym, što cenaŭtvareńnie na ŭsie nastupnyja chatnija matčy (na nastupnych stadyjach turniru) budzie ažyćciaŭlacca z asablivym ulikam sacyjalnaj značnaści kłuba jak najvažniejšaha spartyŭnaha prajekta dla krainy», — paviedamiła pres-słužba ministerstva.
Z hetaj šmatsłoŭnaj farmuloŭki možna zrazumieć, što na nastupnyja chakiejnyja matčy na «Minsk-Arenie» ceny stanuć značna nižejšymi.
Čytajcie taksama:
MARH zapatrabavała ad chakiejnaha «Dynama» tłumačeńniaŭ, čamu ŭ ich rezka padaražali kvitki
Chakiejnaje «Dynama» rezka padniało ceny na kvitki na płej-of KCHŁ