Na žychara Słonima, jaki skardziŭsia na pieraśled za łajk, zrobleny ŭ 2016 hodzie, zaviali kryminalnuju spravu

Pavodle infarmacyi milicyi, 47‑hadovy mužčyna ŭ 2016 hodzie adznačyŭ «padabajkaj» materyjał, jaki nibyta abražaŭ Alaksandra Łukašenku. Ciapier, jak vyśvietliłasia, jon prachodzić pa kryminalnaj spravie.

Raniej mužčyna raskazvaŭ u sacsietkach, što 5 sakavika jaho 46‑hadovuju žonku vyklikali ŭ Śledčy kamitet biez aficyjnaj pozvy. Pavodle jaho słoŭ, tam na jaje cisnuli i pahražali prablemami na pracy, a taksama mahčymymi nastupstvami dla pryjomnych dziaciej.

Padčas pravierki ŭ žančyny znajšli padpiski na resursy, pryznanyja «ekstremisckimi», za što pryciahnuli da administracyjnaj adkaznaści i pasadzili ŭ IČU.

Paśla hetaha mužčyna zapisaŭ niekalki videa ŭ TikTok, dzie raskazaŭ pra situacyju, i źviarnuŭsia ŭ prakuraturu sa skarhaj na dziejańni śledčych orhanaŭ.

Siłaviki pahražali, što hetaja historyja nie skončanaja, i jak vyhladaje, čałavieku sapraŭdy pahražaje vialikaja niebiaśpieka. U jaho taksama znajšli «ekstremisckija» padpiski, za jakija zaviali kryminalnuju spravu. 

Kamientary da artykuła