Milicyja papiaredziła pra machlarskuju schiemu «vypadkovaha pieravodu»

Sutnaść hetaj schiemy: na rachunak čałavieka raptoŭna prychodziać niejkija hrošy. A praź niekatory čas prychodzić i paviedamleńnie nibyta ad vypadkovaha adpraŭnika: «Prabačcie, pamyliŭsia numaram, viarnicie, kali łaska».

Zdymak ilustracyjny. Fota: lookby.media

Paśla taho na čałavieka mohuć pačacca roznyja formy cisku. Nibyta ŭładalnik hrošaj płačacca, što jany jamu terminova patrebnyja, što jany kredytnyja i što jon užo źviarnuŭsia ŭ bank.

Kali čałaviek paddajecca na ŭhavory i viartaje hrošy nazad, jon akazvajecca ŭciahnutym u machlarskuju schiemu: hetyja srodki byli skradzienyja z čužoj karty, a jahonaja karta vykarystoŭvałasia jak pramiežkavaje źviano.

Tamu milicyja raić: atrymaŭšy padobnaje paviedamleńnie, treba adrazu źviartacca ŭ svoj bank i dziejničać tolki pa ich instrukcyi.

Važna paviedamić pra schiemu svajakam, asabliva pažyłym ludziam — adna ich pamyłka moža pryvieści da vialikich prablem.

Kamientary da artykuła