Ukraina straciła adnaho z samych daśviedčanych vajskovych lotčykaŭ

9 sakavika 2026 hoda na ŭschodnim kirunku bajavych dziejańniaŭ zahinuŭ pałkoŭnik Alaksandr Doŭhač — kamandzir 39‑j bryhady taktyčnaj avijacyi, Hieroj Ukrainy, paviedamiła pres-słužba Pavietranych sił Ukrainy.

Alaksandr Doŭhač

Jak paviedamlajecca, Doŭhač zahinuŭ udzień padčas vykanańnia bajavoha zadańnia va ŭmovach značnaj pieravahi varožaj avijacyi i mocnaha supraćdziejańnia sistem supraćpavietranaj abarony supraciŭnika. Piłot vykanaŭ svaju misiju, ale zahinuŭ.

Alaksandr Doŭhač byŭ vielmi daśviedčanym bajavym lotčykam i kamandziram. Ź pieršych dzion poŭnamaštabnaha ŭvarvańnia bryhada pad jaho kiraŭnictvam nanosiła dakładnyja ŭdary pa pazicyjach praciŭnika.

Za čas słužby jon ździejśniŭ sotni bajavych vyletaŭ. Padčas ich jon źniščaŭ punkty kiravańnia, techniku i srodki suviazi supraciŭnika, zabiaśpiečvaŭ prykryćcio ŭdarnaj i bambavalnaj avijacyi, a taksama źniščaŭ varožyja bieśpiłotniki i rakiety. Doŭhač udzielničaŭ u bajach za Kijeŭskuju, Charkaŭskuju i Chiersonskuju vobłaści, a taksama za vostraŭ Źmiainy. U vieraśni 2025 hoda piłotu było prysvojena zvańnie Hieroja Ukrainy.

Abstaviny hibieli Alaksandra Doŭhača ciapier vyśviatlajucca.

Kamientary da artykuła