U Kijevie zaviaršyŭ pracu biełaruski «Punkt niazłomnaści»
U Kijevie zakončyŭ pracu biełaruski «Punkt niazłomnaści» — vałanciorskaja pałatka, jakaja amal dva miesiacy dapamahała ludziam sahrecca i atrymać ježu. Pra heta paviedamiła kiraŭnica vałanciorskaj inicyjatyvy «Sustreča» Alena Žarkievič.
Fota: facebook.com/alena.zarkevic.2025
Za čas pracy dapamohu ŭ biełaruskim «Punkcie niazłomnaści» atrymali sotni ludziej. Ale heta miesca, jak śćviardžaje Alena Žarkievič, było nie tolki pra ježu i ciapło. Tut biełarusy šmat razmaŭlali z ukraincami pra Biełaruś — pra represii, pra ludziej, jakija vymušany źjazdžać z krainy, pra mihrantaŭ i pra vialiki ŭpłyŭ Rasii. Taksama jany raskazvali, što biełarusy praciahvajuć zmahacca i padtrymlivać adzin adnaho.
Alena padziakavała ŭsim, chto dapamahaŭ i padtrymlivaŭ pracu punkta. Pavodle jaje słoŭ, dziakujučy ahulnym namahańniam maleńkaja pałatka zmahła zrabić značna bolš, čym možna było čakać. Choć «Punkt niazłomnaści» ciapier zakryvajecca, vałanciorskaja dziejnaść praciahniecca i dalej.