Biełaruskija draniki buduć pretendavać na śpis kulturnaj spadčyny JUNIESKA
Prezidyum Savieta Ministraŭ vyznačyŭ biełaruskuju hastranamičnuju tradycyju, jakaja moža papoŭnić śpisy kulturnaj spadčyny JUNIESKA, paviedamiła pres-słužba ŭrada Biełarusi.
Draniki. Fota: «Naša Niva»
Dla ŭklučeńnia ŭ Reprezientatyŭny śpis niemateryjalnaj kulturnaj spadčyny čałaviectva prapanavana histaryčna-kulturnaja kaštoŭnaść «Stravy ź ciortaj bulby — tradycyi pryhatavańnia i ŭžyvańnia ŭ Biełarusi».
Tradycyi pryhatavańnia straŭ ź ciortaj bulby (u pieršuju čarhu dranikaŭ, bulbianych blinoŭ i babki) daŭno stali hastranamičnym brendam Biełarusi, pradstaŭlenym va ŭsich šaści abłaściach, i z 2022 hoda ŭklučanyja ŭ Dziaržaŭny śpis histaryčna-kulturnych kaštoŭnaściej Biełarusi (zafiksavana bolš za 370 nośbitaŭ z 73 rajonaŭ).
Prapanova Respubliki Biełaruś budzie nakiravanaja Minkultury ŭ JUNIESKA da kanca sakavika 2026 hoda.
Ličycca, što heta budzie sadziejničać pašyreńniu infarmacyi pra Biełaruś jak dziaržavu, u jakoj zachoŭvajucca nacyjanalnyja kulturnyja tradycyi, a taksama pavieličeńniu turystyčnaj pryvabnaści krainy i raźvićciu hastranamičnaha turyzmu.
Čytajcie taksama:
U biełaruskich kramach źjaviłasia marožanaje sa smakam dranikaŭ. Spadabałasia nie ŭsim
Biełarus pryhatavaŭ dranik u vyhladzie karty krainy i paviesialiŭ karystalnikaŭ sieciva
Biełaruskija draniki zaniali 14‑ie miesca ŭ suśvietnym topie straŭ z bulby
Arhiencinskaja hazieta apublikavała recept biełaruskich dranikaŭ, jaki palubiŭsia Złučanym Štatam