Žurnalistaŭ Janukieviča i Pakalenku pryznali palitviaźniami
Eks-kiraŭniki baranavickaha niezaležnaha ŚMI Intex-Press Uładzimir Janukievič i Andrej Pakalenka pryznanyja palitviaźniami, paviedamiła «Viasna».
Pavodle vierdyktu pravaabaroncaŭ, kryminalny pieraśled Janukieviča i Pakalenki jość praciaham represij suprać vydańniaŭ Intex-press, bar24.by i ahułam suprać niezaležnych biełaruskich ŚMI i žurnalistaŭ.
Adpaviednuju zajavu padpisali BAŽ, Biełaruski PEN, pravaabarončy centr «Viasna», Human Constanta, «Pravavaja inicyjatyva», Lawtrend.
26 lutaha Brescki abłasny sud abviaściŭ abodvuch vinavatymi ŭ «zdradzie dziaržavie» (artykuł 356 KK) i pryznačyŭ Uładzimiru Janukieviču 14 hadoŭ pazbaŭleńnia voli i štraf sumaj 3000 bazavych adzinak, a Andreju Pakalenku — 12 hadoŭ źniavoleńnia i štraf sumaj 1000 bazavych adzinak.
Razhlad spravy, raspačaty 3 lutaha, prachodziŭ u zakrytym režymie, i sutnaść vystaŭlenych abvinavačańniaŭ dahetul nieviadomaja. Viadoma tolki, što abodva byli abvinavačanyja ŭ «zdradzie dziaržavie».